It Nijs

EBay ferkeapet Skype

In grut part fan Skype is foar 2,75 miljard dollar ferkocht oan mear as ien keaper. De oprjochters fan Netscape binne mei in nije ûndernimming ien fan de keapers.

Fan de 2,75 miljard dollar sil foar 1,9 miljard dollar oan oaren ferkocht wurde, 125 miljoen yn obligaasjes en sa’n 35 persint sil belein wurde yn oandielen fan Skype. It sil krekt wat minder opsmite as de 3,1 miljard dollar dy’t Ebay yn 2005 op it kleed lizze moast.

EBay woe Skype yn 2005 brûke foar de kommunikaasje tusken keapers en ferkeapers op de Ebay webside. EBay hat dat plan net trochsetten. Om jildferlies tsjin te gean wurdt Skype no ferkocht. EBay sil him tenei mear talizze op syn online feilinghûs en PayPal.

Lykwols giet it de lêste jierren net sa min mei Skype. De omset is tusken 2007 en 2008 mei 44 persint groeid. Healwei 2008 wienen der 480 miljoen minsken dy’t gebrûk makken fan Skype.  Neffens EBay sil Skype yn 2011 in omset fan 1 miljard ha.

Ek sjen:

1. Google fertsjinnet bakken Twa wiken lyn waard bekend dat BP yn juny miljoenen útjûn...
2. Disney prestearret better by media It Amerikaanske amusemintskonsern Walt Disney hat yn it lêste fearnsjier...
3. Liene, liene en liene Yn 2009 is der foar 1,2 biljoen dollar útliend troch...
4. Shell ferkeapet Nigeriaankse fjilden Oaljekonsern Shell is fan doel en ferkeapje oaljefjilden foar de...
5. FrieslandCampina mear winst FrieslandCampina hat oer de earste helte fan 2009 30 persint...