It giet goed mei de amfibyen
freed 8 jannewaris 2010
Yn tsjinstelling ta de foarige ieu, giet it de lêste jierren best goed mei de measte soarten amfibyen yn ús lân. Dat konstatearret it NEM, Meetnet Amfibiën fan Stifting RAVON. Beskermingsmaatregels en ferbettering fan de wetterkwaliteit hawwe op de salamandersoarten in posityf effekt.
De oantallen fan de meast algemiene salamander fan Nederlân – de lytse wettersalamander – bliuwe stabyl. Dizze soarte wurdt yn 901 wetters folge. De meast resinte analyzes fan it NEM Meetnet Amfibiën geane oer it jier 2008. Foar it yn byld krijen fan de finpoatsalamander hat dat in goed jier west. De seldsume salamandersoart – dy’t allinnich yn Noard-Brabân en Limboarch te finen is – is faker sjoen as yn oare jierren. Dêrmei liket der in ein oan in delgong kommen te wêzen. It is te hoopjen dat de finpoatsalamander it yn de kommende jierren ek goed docht.
Ek sjen:
