It Nijs

Meartaligens begjint al foar berte

Bern út twatalige mienskippen rjochtsje har fuort by de berte al op it learen fan twa talen. Yn ientalige kultueren is dat net it gefal. Dat seit de Kanadeeske taalkundige Janet Werker. Har ûndersyksteam is derachter kaam dat bern entûsjast wurde as se talen hearre dy’t har mem prate doe’t se swier wie. Prate de mem mar ien taal, dan wienen oare talen it bern likefolle. Prate de mem geregeld twa talen, dan waard it bern fan beide talen entûsjast.

“Bern harkje it leafst nei wat harren bekend foarkomt,” seit frou Werker yn in ynterview mei de Kanadeeske krante The Globe and Mail. Har ûndersyk lit ek sjen dat lytse poppen twa talen dy’t se foar de berte heard ha al útinoar hâlde kinne.

It ûndersyk is dien troch twa groepen lytse poppen te ferlykjen. De iene groep hie in ientalich Ingelske mem, de oare groep hie memmen dy’t Ingelsk en de Fillipynske taal Tagalog prate. It entûsjasme fan de bern waard metten troch in mjitapparaatsje yn ‘e sobber. As de bern entûsjast reagearren, begûnen se hurder te sobjen.

Ek sjen:

1. Meartalichheid, famke praat 10 talen Meartalichheid kin it bêste jong begjinne en jo kinne hiel...
2. Meartaligens: ek foar dôve bern Oant no ta gienen in soad logopedisten en terapeuten derfan...
3. Nije site oer meartaligens GENT – Komme jo geregeldwei yn oanrekking mei meartalige bern?...
4. EU wol mear meartalige pjutten BRUSSEL – It is hiel goed mooglik om pjutten al...
5. Meartaligens by bern mei in beheining Hieltiten mear bern krije in meartalige opfieding, ek yn Nederlân....