Brekfallich paleis libbensgefaarlik
woansdei 31 maart 2010ROME – Restaurateurs binne al tsientallen jierren dwaande mei it opknappen fan it gouden hûs yn Rome. It gouden hûs is de bynamme fan it ûnbidich grutte
paleis fan Nero, dy’t yn ‘e earste ieu fan ús jiertelling keizer fan it Romeinske ryk wie. Dat giet net hurd, mei’t it wurk allegeduerigen stillein wurde moat as der wer in muorre op ynstoarten stiet. It paleis is eins te brekfallich om der feilich yn te ferkearen.
Der is juster wer in lange gong fan it kompleks ynstoart. It leit yn ‘e reden dat de kelders dy’t dêrûnder lizze it ek net mear lang hâlde sille. Luciano Marchetti, dy’t út namme fan de gemeente tafersjoch hâldt op it gebou, seit dat it gebou libbensgefaarlik is. “Om it wer feilich te meitsjen foar it publyk is op syn minst tsien miljoen euro nedich.”
Ek sjen:
- Paleis Gbagbo ûnder fjoer Frânske en F.N.-helikopters hawwe hjoed it paleis fan Gbagbo yn...
- Paleis Odysseus fûn ATENE – Grykske argeologen tinke dat se op it eilân...
- Ruten paleis ynsmiten DE HAACH – Yn de nacht fan sneon op snein...
- Bom yn metro Rome ROME – In masinist hat fan ‘e moarn in plofkleare...
- Filmmakkers losse mystearje op Twa Britske filmmakkers sizze dat hja in mystearje oplost hawwe,...
