It Nijs

Inkele fan de bedriuwen dy’t in ferminderjende ynteresse foar Saab ûnder it personiel fernimme, binne Skanska, Vattenfall en SAS.
Skanska hat 650 bedriuwsauto’s dêr’t  rom tritich persint fan Saab is. Nei de jierwikseling wie it kontrakt mei GM ferrûn en dat is oant no ta noch net ferlinge. It bedriuw hat noch gjin beslissing nommen oft it mei Saab trochgean sil. Alles hinget ôf fan wat der yn de takomst mei it bedriuw barre sil.
In oar bedriuw dat net mear fan Saab keapet, is Swedish Match. By de lêste oankeap fan 55 tsjinstauto’s mocht Saab net meidwaan. Hjir hat de twifel oer de restwearde  ek beskiedend west.
Ek steatsbedriuw Vattenfall advisearret op basis fan de ûnwisse restwearde syn meiwurkers om in oare auto as Saab te keapjen, nettsjinsteande dat it kontrakt mei Saab noch hieltyd rint. Vattenfall hat 422 tsjinstauto’s dêr’t omtrint 100 fan it Saab-embleem drage.
SAS, dy’t 200 tjinstauto’s riden hat, fernimt tagelyk in enoarm ferskil yn de fraach nei Saab.

Ronny Svensson van Ynnor leaut net dat it genôch is dat Saab de finansiering foar de kommende jierren op oarde hat. Saab moat ek miljeufreonlikere auto’s begjinne te bouwen om op it boadskippelistke fan de grutte bedriuwen werom te kommen. “Foar bedriuwen is it ferbrûk folle wichtiger as it ‘design’. As se yn de maitiid mei in hybride auto komme, is der alle kâns dat Saab wer klimt op de toplist fan de grutte bedriuwen”, sei hy.