Fongen orka komt goed by
moandei 5 july 2010
HURDERWYK – De orka dy’t op 23 juny op it Waad by Lauwerseach fongen is, giet hurd foarút. It bist wie tige meager en hie nei alle gedachten dagenlang amper iten. Yn in wike tiid is er fjirtich pûn oankommen. Hy ferbliuwt yn it dolfinarium yn Hurderwyk, dêr’t er alle dagen fyftich pûn fisk kriget.
De meiwurkers hawwe de orka de namme Morgan jûn, in Skotske namme mei’t se derfan útgeane dat it bist út de omkriten fan Skotlân komt. Hy moat noch goed trijehûndert pûn oankomme ear’t er wer frijlitten wurdt. Neffens it dolfinarium kin dat noch trije oant seis moannen duorje.
Ek sjen:
