It Nijs

It is nea te let – ientaligens is te genêzen

Under dizze gjalp reizget in groep jongelju troch Europa om minsken derfan te oertsjûgjen dat meartaligens by it libben yn Europa heart. Wa’t mar ien taal behearsket, heart by de groep beheinden en kin net mear meidwaan yn de wrâld fan moarn. De jongelju rjochtsje har benammen op de minderheidstaalgebieten dêr’t guon noch miene dat se har memmetaal mar sa gau mooglik ferjitte moatte as se fierder komme wolle op de maatskiplike ljedder.

Dit jongfolk fertsjintwurdiget de JEV (de  jongereinorganisaasje fan de FUEN). Se ha jild fan Europa krigen foar it projekt RLM2future. De tocht troch Europa is in ûnderdiel fan it projekt. In belangrike lûker fan it projekt is Hester Knol út Ljouwert. It is dan ek net tafallich dat de tocht yn Fryslân begjint. Yn 17 dagen wurdt 4000 km ôflein. Dêr’t se komme, geane se yn petear mei de minsken, diele ynformaasje út en fertelle oer de situaasje op oare plakken. Plakken dêr’t se bylâns geane, binne û.o. Pécs, Trieste/Trst, Südtirol, Bolzano/Bozen, Graubünden, Straßburg.

Mear hjiroer is te lêzen op:  Read more about this

Ek sjen:

1. Minder seks, mear televyzje
2. Plysje yn ‘e knipe yn park
3. Jongelju tsjerkje amper
4. Jongerein wit neat fan AIDS
5. Genêzen fan AIDS troch stamsellen